اولا كدا هنسيب الخميرة تخمر بمعلقة سكر في نصف كوب ماء دافي. هنضيف المواد الجافة علي بعض الدقيق وذرة الملح واللبن الباودر ونقلب ثم نضيف باقي المكونات ونعجن كويس جدا لاتقل عن 10دقايق ونسيبها تخمر علي الاقل ساعة ونصف زي ما واضح في الصورة بعد ما هتخمر هنقسمها علي 4كور ونغطيها علشان الوش مينشفش

ثم نفرد كورة كورة ونقسمها بالكوباية زي ما واضح فالصور وناخد دايرة دايرة نحشيها جبنة او اي شيء تفضليه ونقفلها زي ما بنقفل القطايف ونرصها علي صينية مدهونة زيت خفيف ونخلص الكمية ونسيبها شوية لانها هتخمر تاني

هنولع الفرن علي درجة حرارة 170وندهن الوش بربع كوب ماء مءابة فيها معلقة كبيرة لبن باودر ورشة بسيطة نيسكافيه ومعلقة صغيرة سكر ونرش حبة البركة او سمسم او زعتر وندخل الفرن لحد ما لونها من تحت يبقي دهبي نشغل الشواية وتاخد لون ونقدمها في طبق لوجبة الافطار والاولاد في البوكس في المدرسة وجبة خفيفة ومشبعة وتحسسك بالراحة النفسية علشان معمولة في البيت ومش خايفة من اي مواد حافظة ولا غيرها وبألف هنا وشفا.