اولا انا بعمل نوع صلصة بيخلي الاكل طعمه مميز ومختلف بقطع الطماطم وواحدة بنجر صغيرة وفحلة عالنار واقلب كل شوية لحد ما تتسبك واحط الملح وسكر علشان الحموضة واطفي واضربها بالهاند بليندر او نسيبها تبرد ونضربها فالخلاط

ورق العنب بننزله فمياه سخنة عالنار دقيقة واشيله ويتصفي وطبعا عارفين الكرنب بيتعمل ازاي
هنضيف التوابل عالبصل بالخضرة وادعك جامد وممكن تضيفي رشة من السبع بهارات وبعدها الرز والزيت قبل الصلصة بحيث اغلف الرز بالزيت وبعدها الصلصة وابدء احشي

نيجي لنقطة مهمة لان ناس كتير مبتعرفش تسوي المحشي خصوصا لو كمية كبيرة انا عن نفسي بسوية في صينية مش حلة بحيث يبقي مفرود وميعجنش والماية بتاعته او الشوربة تبقي لحد الصف اللي قبل الاخير وعالوش بضيف سمنة اول ما يغلي بهدي النار وهقولك علي تكة حلوة فتسوبة المحشي في مننا كتير بيقع فحتة الرز بيغيب فالسوي وتفضل تضيف في مياه لا اول ما تحسي هيبدء يغيب هتجيبي كيسة من اكياس اللبن اللي بنخزن فيها الخضار قصيه من الجنب وافرديه عالمحشي وقفلي من الجناب ومتخافيش هيفضل زي ما هو وغطي عادي بالغطا وهيستوي بسرعة.