نحضر كل المكونات ونبدأ على بركة الله، في مقلاة من الأحسن تكون واسعة ذوبت السكر على دفعات في الأول ما لازمش نستعمل الملعقة نهائيا حتى يذوب عاد نقدر نحركو باش ما يتحجرش
ملاحظة: ✨استعملت الكوب المعياري.

كي ذاب السكر ضفت الزبدة وخلطت مليح حتى تجانست المكونات كما هو موضح في الفيديو.

ثم ضفت الطحينة (في العراق يسموها الراشي) خلطت الكل جيدا ثم ضفت رشة الملح مع ملعقة كبيرة تكون ممسوحة من الفرينة وعاود خلطت الكل جيدا حتى انساجمت كل المكونات.
ملاحظة: استعملت طحينة فاخرة مصنوعة في الأردن

كنت هرمشت الجوز كما هو موضح في الصورة كيما تقدرو تستبدلوه بالفستق الحلبي استعملت الجوز هو اللي كان متوفر عندي وضفتو على الخليط حركت مليح مليح.

فرغت الخليط فوق ورق الزبدة في هاذ المرحلة لازم نكونو خفاف باش ما ييبسش نزيد نحط ورق زبدة من فوق ةنحلو بالحلال (الوراق) مليح مليح

وهو سخون او دافي نقطعو كما هو موضح في الصور كي يبرد تماما عاد نقسموه

ونقدموه بألف صحة وهنا 👌🏻💖👌🏻

كي ترققوه بزاف يجي هشيش وبزاف بنين عجب ولادي وشهية طيبة للجميع 😋👌🏻😋