نقطع السكالوب إلى مكعبات نحطو في القدر مع الملح والبهارات

انا حطيت ورق الغار فرمت النعناع.. نصف ملعقة كركم نصف ملعقة سبع بهارات.. زعتر كمون وعصير نصف ليمونة مع ملعقة خل وملعقتين زيت ونص خليتهن يتشربو شوي و فتحت عليهن النار وضفتلهن نصف فنجان مي و تركتهن على نار متوسطة..

ضفتهم لبعض و قلبتهم شوي و جبت حبة البطاطا يلي قطعتها من قبل كمان مكعبات و غليتها و الفلفل قطعته هوي والبندورة و ضفت كل المكونات للسكالوب و الكبدة

في الأثناء حطيت قطع الكبدة في قدر تانية فيها مي و شوية بهارات لحتى تغلي و بعد ما غليت طلعتها و قطعتها كمان لمكعبات و ضفتها للخطوة الأولى طبعا بعدما استوت..

المهم من فوق رشيت عليهن قطع جبنة و حبات زيتون مقطع فيكن كمان تضيفو البيض رشة بقدونس وألف صحة وهنا انشالله

حطيتهم بصحن التقديم الصراحة المنظر كان كتير بيشهي و الريحة كمان بس ما لحقت صور لانو كنت صايمي وما كان ببالي اني رح نزلها 😊

و ع فكرة الطبخ فن ما فينا نتقيد بأي وصفة متل ما هية.. و متأكدي انو كل حدا الو نفسه الخاص يلي بيميزه 💖