لعمل الرز، معلقه سمنه وبعدين الرز ابيض بدون اضافات غير الملح فقط والمياه معياره، واول ما يغلى توطى عليه لحد ما يشرب ميته ويبقى تمام تشيليه من على النار.

خطوات الفته بقى، صينيه تسيحى فيها معلقه او 2 سمنه ومعلقة زيت واول ما تسخن تنزلى عليها بالعيش وتقلبى لحد ما العيش يتقلب كله في السمنه ويشربها، تقومى حطه الشوربه لحد ما تغطى العيش.

في طاسه على جنب نقدح سمنه ونحط الثوم اول ما يبدأ يحمر انزلى بالصلصله واقلبى بسرعه عشان مش يتحرق منك وبعدين طشى بالخل نص كوبايه وقلبى كويس لحد ما يتشرب نوعا ما.

هنبص على صينيه العيش ونقلب تقليبه ونطفى.

بعدين نرص او نغرف الرز ونساويه على الصينيه بحيث يغطى الرز كله زى الصوره كده وتقومى نازله بالصلصه وموزعاها بشكل جميل، انا عملتها شكل ورده خصوصا انى مش بحب الفته بصلصه اصلا.

طبعا لو الشوربه شوربه لحمه هتحمرى اللحمه وترصيها كده وبالف هنا ودوقوها وعلى ضمانتى وبالف هنا وشفا.