نحط البيض في مياه وملح وخل على النار لحد ما يتسلقوا مش اقل من تلت ساعه تشيليهم من النار وعلى الحنفيه السقعه، قشرى البيض.

تكونى قدحتى معلقتين سمنه مع معلقه زيت وتحمرى فيهم البيض هياخد لون احمر روعه فالريحه والطعم ولما تطلعى البيض وهو سخن رشى عليه ملح وفلفل اسمر.

حمري الشعريه بردو وعليها الرز او الكشرى الاصفر وتقلبى لو مش هتستعملى شعريه يبقى بعد تحمير البيض حطى الارز بالعدس وقلبى، حطى ملح وقلبى كويس.

الكشرى بس اللى بقولك عايزى الرز يعنى لو كوبايتين يبقى كوبايتين ومالكيش دعوه بعيار العدس اصلا واتبعى نفس خطوات الرز بالشعريه.

نيجى بقى للصلصه، حمرى الثوم في سمنه وزيت وانزلى عليهم بالصلصه وملح وكمون واما تغلى حطى شويه خل وبكده خلصت الصلصه لحد ما تتقل وكلى بالف هنا.