حواوشي اسكندراني 🥟
عملت من نص كيلو لحمه ١٦ساندويتش 💙💙
الخطوات
- 1
الاول نعجن العجينه هنجيب الخميره ونحط المياه عليها والسكر والملح و نقلب لحد ما يدوبوا نضيف نصف كوب لبن او علبه زبادي
- 2
ونضيف الزيت ونقلب كويس وبعدها نجيب الدقيق ونحطه ونبدأ بالعجن ونضيف اللبن وممكن لو العجين احتاج لبن تاني نضيف ونعجن لحد ما العجينه تتماسك وتبقي طريه ونسبها تخمر ساعه او ساعيتن
- 3
عقبال ما العجينه تخمر نحضر الحشوه هنجيب اللحمه المفرومه ونقطع الفلفل والطماطم والبصل قطع صغيره ونحطهم عليها كل المكونات ونقلب كويس وياريت بعد ما نحط التوابل نقلبها زي عجينه عشان كله يتداخل مع اللحمه كويس
- 4
لما العجينه تخمر نقسمها كور بالشكل دا 👇🏻 ونسبها ترتاح وفي نفس الوقت هجيب اللحمه ونقسمها كرات حسب عدد العجينه وبعدها نجيب كل كوره ونفردها كويس بس مش تكون العجينه رقيقه اوي عشان كده هتتقطع وبعدها نحط اللحمه ونقفلها بالشكل دا 👇🏻
- 5
ندهن الوش بالبيض ونرش عليه شويه حبه البركه ونحطها في الفرن على في درجه حراره١٨٠ و نسبها لحد ما تستوي وتقدم ساخنه مع مخلل بألف هنا 💙🌸 معلش مش لحقت اصورهم
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات (2)