نضع الخميره والسكر مع الماء نغطيهون ونترك الخميره خمس دقايق

نضع الطحين رشه الملح والحليب والبيكنغ باودر ونخلطهم جيدا

نضع الخميره على الطحين مع باقي الماء

ونخلطهم جيدا ونتركها تتخمر نص ساعه عندما يتضاعف حجمها ويصبح فيها فقاعات تكون جاهزه لصب

قبل ما نبلش نصب القطايف نضع البيكنغ صودا ونقلب العجينه جيدا ثم نسخن مقلى على نار وسط الى هاديه ونصب القطايف حسب الحجم الي بدنا ياه اذا بدنا نحشيها جبنه ونقليها نخليها سميكه شوي واذا بدنا نستعملها للعصافيري نرققها قليلا فقط ميديها شوي بالملعقه

بس ينشف القرص وتتحمر قليلا نشيلها ونضعها جانبا لتبرد واذا ضل شوي ما نشف بتنشف بعد ما تشيلها

ثم نحشيها بالحشوه الي بدنا ياها انا حشيتها قشطه

للعصافيري نضع القشطع على الطرف العلوي ونسكرها نص تسكيره

ثم نغمسها بالفستق المطحون

نصب القطر او الشيره وتقدم