نجيب اللحمة المفروم ونحط عليها البصل المفروم والثوم المفروم والبقدونس المفروم والملح والفلفل الأسود والكمون ونعجنهم في بعض لحد مايمتزجو مع بعض نضع فوقهم ملعقة الدقيق والبقسماط(علشان اللحمة تمسك وماتفكش) وتقلب لحد امتزاج كل الخليط

نترك اللحمة المتبله بالثلاجة لمده ساعة لحد ماتتشد شويه وتأخذ من طعم التتبيله.....وبعدين نخرجها من الثلاجه ونصنع بها كور صغيرة وكلها نفس المقاس ونضعها مره أخرى في الثلاجه نص ساعة اخرى وبعد ين تخرجها من الثلاجه ونضعها في قليل من الدقيق(تعفريهم يعنى)

تكون محضره طاسه على النار وبها السمن والزيت وتقلي بها كرات اللحم المتبل والمتعفر بالدقيق من كل الجهات لاتخاذ اللون المفضل وبعدين نشيلهم من السمن ونضعهم في طبق اخر

وفي نفس الطاسه اللي كان فيها اللحم نضع البصل المتقطع صغير ولما يدخل على اصفرار نضع ملعقة الثوم ولما يصفروا ننزل بعصير الطماطم ومعلقتين صلصة طماطم ونسيبهم يتسبكو كويس ولما نتأكد انهم اتسبكو ننزل بكرات اللحم المقلي ونقلب كويس ونضع عليها فنجان ماء ونسيبها تغلي وبعدين نشيلها من على النار وتقدم مع المعكرونه المسلوقه أو الأرز الأبيض وسلطه خضره بطاطس محمره وألف هنا وشفا.كل سنه وانتم طيبين. رمضان غدا