मटण स्वच्छ धुवून घ्या. त्यात आलं-लसूण पेस्ट, हळद, मीठ लावून 30 मिनिटे बाजूला ठेवा.

कढईत 2 चमचे तेल टाका. त्यात 4 कांदे आणि सुकं खोबरं, लसूण टाकून मंद आचेवर 15 मिनिटे भाजा. रंग एकदम काळा-तपकिरी होईपर्यंत भाजा, पण जाळू नका! थंड झाल्यावर थोडं पाणी टाकून मिक्सरमध्ये बारीक काळी पेस्ट बनवा. हाच खरा काळा रस्सा!

मोठ्या पातेल्यात 1 वाटी तेल गरम करा. त्यात 1 बारीक चिरलेला कांदा लालसर होईपर्यंत परता. आता मॅरीनेट केलेलं मटण टाका आणि मोठ्या आचेवर 10 मिनिटे चांगलं परतून घ्या.

आता त्यात आपण बनवलेलं काळं वाटण, आगरी काळा मसाला, लाल तिखट टाका. चांगलं हलवून 5 मिनिटे परता. आता 3 ग्लास गरम पाणी आणि मीठ टाका.

कुकरमध्ये 5-6 शिट्ट्या काढा किंवा पातेल्यात झाकण ठेवून 1 तास मंद आचेवर दम देऊन शिजवा. मटण एकदम मऊ झालं पाहिजे.

गॅस बंद करून वरून बारीक चिरलेली कोथिंबीर टाका 30 मिनिटे झाकून ठेवा म्हणजे रस्सा मटणात मुरेल.