أول خطوه نجيب نصف كوب المياه الدافئة ونحط عليه الخميرة والسكر ونقلبهم مع بعض كويس ونسيبهم شويه يتافعلوا وتخمر

نجيب الدقيق ننخله ونحط عليه ريحه الكحك وباكيت الكريم جانتي ورشه الملح ونقلب المواد الجافه مع بعض ونعمل حفره في الدقيق نسيح السمنه بقي وننزل بيها ساخنه على الدقيق شويه شويه

وتستخدم ملعقه خشب عشان السمنه بتكون ساخنه ونحط السمسم ونقلبهم وبعد كده ننزل بكوب الخميرة ونبتدي نعجن ونبس في العجينه كويس لو احتاجه وسائل ضيفي اللبن الدافئ شويه بلاش تزودي في السوائل عشان مينشفش

بعد كده غطيها بكيس و شكلي براحتك ورصي في الصواني

سيبي الكحك ساعة يخمر بعد ما شكلتي ودخلي الفرن على حرارة ١٨٠ لحد ما يأخد اللون الذهبي ورشي السكر وبألف هنا