सर्वात प्रथम आपण आळूची पाने स्वच्छ धुऊन घेऊ.आता एका बोल मध्ये बेसन पीठ घेऊ. नंतर त्यात लसूण हिरवी मिरची पेस्ट,जिरे, धने,हळद,मीठ लिंबाचा रस,तांदळाचे पीठ घालून मिक्स करू. नंतर थोडे पाणी टाकून छान घट्ट बॅटर बनवून घेऊ.

बॅटर जास्त पातळही नको आणि जास्त घट्ट पण नको. आता धुतलेल्या अळूच्या पानावर बेसन पीठाचे बॅटर लावून घ्या. नंतर पुन्हा त्यावर एक पान ठेवा असे करून तीन-चार पानांवर ठेवून बॅटर लावून घ्या. दोन्ही साईड ने दुमडून घ्या.आणि नंतर त्याचा गोल रोल करा.

आता एका पातेल्यात २ ग्लास पाणी टाका.आणि वाफ होण्यासाठी ठेवा. चाळणीला तेल लावा, आणि त्यात आपण बनवलेले अळू पानाचा रोल ठेवा. १०-१५ मिनिटं वाफवून घ्या.

वाफवून तयार झाल्यावर त्याचे छान तुकडे करा. थंड करून घेऊ. कढईमध्ये तेल गरम करण्यासाठी ठेवा. गरम तेलामध्ये छान तळून घ्या.

तयार आहेत आपले खुसखुशीत आणि खमंग अळू वडी.चविला अप्रतिम आणि खूप कुरकुरीत लागते.