نقطع البصل والفلفل مربعات صغيرة نحطهم في مقلاة فيها زيت نذبلهم نزيد عليهم نصف ملعقة صغيرة فلفل أسود ونصف ملعقة صغيرة ملح ونغطيهم نخليهم يذبلو وكل مرة نحركهم باه ميتحرقوش.

نرحيو حبات الطماطم نزيدو عليهم الثوم ومن الاحسن تكثرو لأنو الثوم سبب في بنة الأكلة ونزيدو توابل ملح وفلفل أسود كمون وفلفل أحمر و كسبر القليل فقط ونخلطهم ونضعهم في كسرونة فيها شوية زيت ونخليها طيب لما ترجع مثل صوص بيتزا نطفي عليها يعني تشد روحها مليح.

نرجع للبصل لي كنا ذبلناه نزيدولو الثوم ونحطو فيه ورقة الرند ونحركوه لما يذبلو نضيفو الطماطم لي كنا حضرناها فوقها ونخلط مع بعض نخلوها تغلي قليلا

نجيب ثلث بيضات نضيف عليهم قليلا من الملح و الفلفل الأسود و الثوم وفنجان حليب نخلطهم ونصبهم على تشكشوكة تاعنا ونخليها حتى ينشف البيض مع التحريك طبعا حتى تمتزج كل المكونات.

شهية طيبة😋