بسم الله نبدا بتخضير المكونات ونجيب صحن نحط فيه البيض والسكر ونخفق لالخلاط الكهربايئ حتى يبيض الخليط ثم نضيف الزيت والحليب وعصير البرتقال ومبشور الليمون ونبدا باضافة الفرينة تدريجيا مع الخميرة الكيميائية

نفرغ الخليط في سينية الفرن بعد ماندهنها بالزبدة وندخلها الفرن تطيب من تحت ثم نشعللها من فوق تتحمر ونخرجها ونخليها تبرد ثم نجيب طابع مربع ونقص بيه الحبات

بعد ذلك نحضر الصوص لي راح نغلف بيها حبات الحلوى نجيب كسرونة نحط فيها الحليب والسكر والكاكاو ونخلط بارد في بارد على النار ثم نضيف علبة شكولا ونواصل الخلط حتى نتحصل على صوص ثقيل نوعا ما

الخطوة التالية نجيب قوفريط بخشو الشكولا ونرحيه ونحط في صحن على جنب ونبدا بتغليف حبات الحلوى نغطس حبة الحلوى فالصوص ثم مباشرة فالقوفريط ونغلفها من كل الجوانب حتى نكمل كامل الكمية نستفها فالسينية ونخليها حتى يشيح القوفريط