#BFR
अरेबिक देशांमध्ये चांगले शाकाहारी पदार्थ मिळत नाहीत हा माझा "मोठ्ठा गोड गैरसमज" झातर मनकिश ( Zaatar Manakish ) / झातर रोटी खाल्ल्यावर दूर झाला. "झातर" ही एक हिरवट रंगाची स्पाईस पावडर असते. ही झातर पावडर वापरून बनवलेले "मनकिश" म्हणजेच रोटी किंवा पराठा आज आपण बघणार आहोत.
प्रत्येक अरेबिक देशपरत्वे "झातर" चे घटक थोड्याफार फरकाने बदलतात. आम्हाला इथे तयार पावडर मिळते पण, भारतात ती मिळेलच असं नाही. त्यामुळंच मी झातर बनवण्याची भारतीय पध्दत सांगणार आहे. पिझ्झा, पास्ता मुळे आजकाल सगळ्यांकडे ड्राईड ऑरेगनो, बेसिल असतंच. त्याचाच वापर आपण करुया. तसंच रोटीसाठी मैद्याऐवजी गव्हाचं पीठ वापरणार आहोत आणि भारतीय चवीनुसार त्यात आलं-लसूण पेस्ट, हिरवी मिरची ही घातली आहे जेणेकरून "मनकिश" खमंग लागावे. झातर रोटी लाटून त्यावर स्प्रेड करून मग तंदूर किंवा ओव्हन मध्ये भाजतात. त्याऐवजी आपण स्टफ्ड् पराठा किंवा नान सारखं तयार करून तव्यावर भाजून बनवूया. बेकिंग पावडर, सोडा आणि दही यांमुळे "मनकिश" गव्हाच्या पीठाचे असले तरीही आतून मऊसूत आणि वरून एकदम खुसखुशीत होतात.
ह्या झातरचे औषधी गुणधर्म सुध्दा आहेत. अँटी ऑक्सिडंट्स ने ठासून भरलेली "झातर स्पाईस पावडर" प्राचीन काळापासून कृमिघ्न म्हणून अरब देशांमध्ये वापरली जाते. तसंच, पैलेस्टाईन मध्ये अजून एक चलन प्रचलित आहे. मनाची जागरूकता आणि आकलनक्षमता वाढवत असल्याने लहान मुलांना शाळेला जाताना "झातर" ब्रेकफास्ट मध्ये खाण्यासाठी प्रोत्साहन दिलं जातं. तुम्हाला ही रेसिपी नक्कीच आवडेल ह्यात काहीच दुमत नाही. चला तर मग पाहुया, एक "लेवंँट अरेबिक डेलिकसी" ...