સૌ પ્રથમ ચોખાને ધોઈને ૧૫-૨૦ મિનિટ માટે પલાળી રાખો. હવે એક કડાઈમાં તળીયે ઘી લગાવી તેમાં દૂધ ગરમ કરવા મૂકો. બીજા પેનમાં ઘી લઈ કાપેલા કાજુ, બદામ, પિસ્તા અને દ્રાક્ષ શેકી લો.

હવે દૂધ ઉકળે પછી તેમાં પલાળેલ ચોખા અને મિલ્ક પાઉડર ઉમેરી તેને ચડવા દો. તેને વચ્ચે વચ્ચે હલાવતા રહેવું જેથી દૂધ કડાઈમાં ચોંટે નહીં.

હવે તેમાં ખાંડ અને કન્ડેન્સ્ડ મિલ્ક ઉમેરી તેને બરાબર મિક્સ કરો. હવે ઠંડા દૂધમાં કસ્ટર્ડ પાઉડર ઉમેરી, મિક્સ કરી ખીરમાં ઉમેરો અને તેને ૫-૧૦ મિનિટ માટે ફરીથી ઉકાળો.

હવે ગેસ બંધ કરી તેમાં ઈલાયચી પાઉડર અને શેકેલા ડ્રાયફ્રૂટ ઉમેરી બરાબર મિક્સ કરી ઠંડુ કરી ફ્રીજમાં એકદમ ઠંડું કરી લો પછી તેને ઉપરથી બાકીના ડ્રાયફ્રૂટ અને ગુલાબની પાંદડીથી સજાવી ઠંડી ઠંડી સર્વ કરો.