દમ હાંડી બિરયાની (Dum Handi Biryani Recipe In Gujarati)
કૂકપેડ એપ્પ માં ખોલોરાંધવાની સૂચનાઓ
- 1
સૌપ્રથમ બાસમતી ચોખાને બે વખત ધોઈ 20 મિનિટ માટે પલાળી રાખો
- 2
બધા શાકભાજી સમારી ને સ્ટીમરમાં અધકચરા સ્ટીમ કરી લો.
- 3
એક પહોળા વાસણમાં સાતથી આઠ કપ જેટલું પાણી ઉકળવા માટે મૂકો તેમાં તજ લવિંગ મરીના દાણા ઇલાયચી તમાલપત્ર મીઠું અને તેલ નાખી પાણી ઉકળવા દો પાણી ઉકળવા લાગે એટલે તેમાં પલાળેલા બાસમતી ચોખા નાખી દો. ચોખાને બહુ બાફવા નથી તેને 80% રાંધો.
- 4
બધા શાકભાજી સ્ટીમ કર્યા છે તેને એક બાઉલમાં લઈ તેમાં દહીં, મીઠું, મરચું, બિરયાની મસાલો, હળદર નાખી મેરીનેટ કરી એક બાજુ રાખી દો.
- 5
બીજી બાજુ જે ભાત રંધાઈ ગયા છે તેને ઓસાવી તેના ઉપર થોડું ઠંડુ પાણી રેડી 1/2 કલાક માટે રાખી મૂકો તે દરમિયાન બીજી તૈયારી કરી લો.
- 6
હવે એક કડાઈમાં વઘાર માટે તેલ અને ઘી મૂકો. તેમાં પહેલા પનીરના ચોરસ ટુકડા તળી લો બહાર કાઢી સાઈડ પર રાખો.પછી તેમાં શાહજીરું તજ લવિંગ બાદિયાન તમાલપત્ર મરીના દાણા ઉમેરો સરસ સુગંધ આવવા લાગે એટલે તેમાં ઝીણી સમારેલી ડુંગળી આદુ લસણની પેસ્ટ અને કોથમીર ફુદીનાની પેસ્ટ ઉમેરો. બરાબર હલાવી લો. ત્યારબાદ મેરીનેટ કરેલા શાકભાજી નાખી દો. આમ તો દહીં નાખ્યું છે એટલે તેમાંથી થોડું પાણી થયું હશે તેમાં શાકભાજી ચડી જશે પણ જો થોડા કડક લાગતા હોય તો થોડું પાણી ઉમેરી થોડીવાર થવા દો.
- 7
એક માટીની અથવા અન્ય કોઈપણ હેનડી લો તેમાં સૌપ્રથમ નીચે થોડા ભાત નાખો તેના ઉપર થોડી તળેલી ડુંગળી નાખો તેની ઉપર એક શાકભાજીનું લેયર કરો તેના ઉપર ફરીથી ભાતનું તેના ઉપર ફરીથી શાકભાજીનું એમ કરતા જાઓ હાંડી ભરાઈ જાય ત્યાં સુધી લેયર કરો. તળેલા કાજુ અને પનીર પણ ઉમેરો. સૌથી ઉપર કેસરવાળું દૂધ અને ઘી ઉમેરી ઢાંકણું ઢાંકી દો. ધીમા તાપે ગેસ ઉપર થોડી વાર થવા દો.
- 8
તૈયાર છે આપણી દમ હાંડી બિરયાની જે ચોમાસામાં જ્યારે વરસાદ પડતો હોય ત્યારે ગરમાગરમ ખાવાની ખૂબ જ મજા આવે છે તેના સાથે રાઇતું ને પાપડ સર્વ કરી શકાય છે.
Keywords
Similar Recipes
More Recipes
ટિપ્પણીઓ