ताज्या शेगांमधून दाणे काढून घ्यावें. कांदा टोमॅटो बीट रूट एकत्र मिक्सरमधून पेस्ट करून घ्यावे. त्याचप्रमाणे काजू डाळवा खोबऱ्याचा कीस शेंगदाणे एकत्र बारीक करून घ्यावे. हा झाला आपला कोरडा मसाला.

आता गॅसवर एक कढई ठेवून गरम करावे. तेल टाकून तेल गरम झाल्यावर त्यात जीरे मोहरी तेजपत्ता दालचिनी काळीमिरी टाकावी. त्यानंतर त्यात कांदा टोमॅटोची पेस्ट टाकावी. त्याचप्रमाणे त्यात कोरडा मसाला टाकावा. छान एकत्र करावे आणि तेल सुटेपर्यंत परतून घ्यावे.

त्यात हळद तिखट आणि धने पूड टाकावे. पुन्हा एकदा चांगले मिक्स करावे. मिनिटभर शिजू द्यावे आणि आता त्यात डबल बीन्सचे दाणे टाकावे.

दाणे मसाल्यामध्ये चांगले मिक्स करून घेतल्यानंतर एखादा मिनिट झाकण ठेवावे. त्यानंतर त्यात आवश्यकतेनुसार पाणी टाकावे. चवीनुसार मीठ आणि मॅगी मॅजिक मसाला टाकावा.

आता झाकण ठेवून दाणे शिजू द्यावे. मध्ये एखाद्या वेळेस दाणे शिजले किंवा नाही हे बघून घ्यावे. साधारण आठ ते दहा मिनिटे दाणे शिजायला लागतात. दाणे शिजल्याची खात्री पटली की गॅस बंद करावा आणि बारीक चिरलेली कोथिंबीर त्यात टाकावी.

अशाप्रकारे चमचमीत ताज्या डबल बीन्स च्या दाण्याची भाजी तयार आहे. आता ही भाजी सर्विंग बाऊलमध्ये काढून घ्यावी.

गरमागरम पोळी किंवा भाकरी किंवा भात आणि सोबत सॅलड लिंबू असे सर्व करावे.