نبدا بسم الله ونحضر المرق تاعي نجيب طنجرة نحط فيها قطع دجاج ونحط البصل وسنات ثوم مرحيين ونحط المعدنوس المقطع والملخ والفلفل الاسود والزنجبيل والكركم والزيت ونحطها عالنار تتقلى مليحو ثم نضيف الزيتون ونقلي مليح ونمرق بالماء ونخليه يطيب

نرجع نحضر رولي السكالوب تاعي نحط رطل سكالوب مرحي ونحط علي ملح وفلفل اسود وزنجبيل وعكري حلو و2م ك شابلير ونخلط مليح

نجيب ورق شفاف ونحل عليه كمية من اللحم ونحلو مربع ونحط 2شرائح الجبن ثم قطع جبن طري من فوق ونبدا نلف مليح حتى نشكل حربوش ونغلقو مليح

نكمل كامل الكمية ونحطهم في كسكاس يفورو ثم نحطهم فالمرق يطيبو ثم نحيهم من المرق هما والدجاج ونحمرها في مقلاة من كل الجوانب

بعد ذلك نحط الرولي تاعي يبرد مليح ونخلي المرق يثقال ونجيب صحن التقديم ونقص الرولي على لوح تقطيع بسكين منشار

فالاخير نقدم الرولي تاعي في صحن التقديم مع الزيتون الاخضر وصوص البيضاء وزينتو بقطع الدجاج المحمرة