सुरुवातीला चणे आणि तुरी निवडून घ्याव्या. 7-8 तास भिजत घालाव्यात. त्यानंतर त्यातून पाणी काढून घ्यावे. आता त्यात आले, लसूण, हिरवी मिरची, कोथिंबीर आणि कढीपत्ता घालावा. सोबतच चाकवत भाजी धुवून घ्यावी आणि बारीक चिरून घ्यावी.

चणा आणि तुरी मिक्सर मधून जाडसर वाटून घ्याव्यात.

तयार वाटण एका वाडग्यात काढून, त्यात बारीक चिरलेला कांदा, चाकवत भाजी, थोडी कोथिंबीर, बेसन हळद, जिरेपूड, धणे पूड आणि चवीनुसार मीठ टाकावे.

आता एका बाजूला गॅसवर कढईत तेल गरम करण्यासाठी ठेवावे. तेल गरम झाल्यावर, त्यात तयार मीश्रणाचे, हातावर थापून, वडे टाकावे.

छान ब्राऊन रंग येईपर्यंत तळून घ्यावेत. तळलेले वडे, टिश्यू पेपरवर काढून घ्यावे.

अशाप्रकारे सर्व वडे तळून घ्यावेत. मस्त चटकदार गरमागरम वड्यांचा नाश्ता.. टोमॅटो सॉस किंवा केचप सोबत सर्व्ह करावे.