نبدا بسم الله ونجيب ريسبسيون نحط 4 بيض مع رشة ملح وكاس ناقص إصبع سكر ونخلطو مليح ثم نضيف كاس زيت ونخلط مليح ثم نضيف كاس حليب ونواصل الخلط المليح ونحط م ك فانيلا ونخلط

نضيف 2كاس فرينة فالاول مع 3م ك كاكاو بني نوعية جيدة و2كيس خميرة الحلوى ونخلط مليح ثم نكمل كاس ونصف فرينة ونخلط جيدا حتى يندمج الكل مع بعض

نضيف بعد ذلك علبة دانيت شكولا ونخلط مليح ثم نحط نصف كاس فارميسال شكولا ونخلط ثم نجيب مول ميني كيك نحط فيه كيسات ورقية

ثم نجيب مول دائري خاص بالمادلان نحط فيه كيسات ورقية ونفرغ في كل مول م ك ونصف من خليط العجين حتى نكمل كامل المولات ثم نحط القليل من الفارميسال من فوق ونجيب علبة بسكويت ماكسون ونفتتو ونحطو فوق كل حبة ونشعل الفرن يسخن

ندخل الميني كيك يطيب من تحت ثم نشعل عليه من فوق قليلا ونخرجو

فالاخير نقدم الميني كيك دانيت مع فطور الصباح او كلمجة للاطفال