نضع الدقيق والزيت والملح في وعاء كبير ونضيف الماء بالتدريج ونعجن حتى نحصل على عجينة متوسطة الليونة ، نتركها لترتاح لحوالي النصف ساعة وبعدها نقسمها لقسمين ، نفرد اول قسم على سطح مرشوش بالدقيق وتقطع الى شرائح بالطول وبعدها بالعرض لنحصل على مربعات صغيرة متساوية (عرض الشريط ٤ سم)

نخلط اللحمة مع البصل المبروش والفلفل الأسود والأحمر والملح وشوية زيت نباتي حتى تتماسك معنا اللحمة جيداً ، نكورها على شكل طابات صغيرة جداً ، لنحشي بها كل قطع العجين وبعدها نقفل العجين من الطرفين على شكل قارب (متل يلي بالصورة) او فينا نعملها على شكل وردة ، وهيك تقطيها رح يكون غير ، بعد ما نفرد العجينة ، منقطعها على شكل دوائر بالقطاعة ، ومنصف كل خمس دوائر تقريبا الوحدة بجانب الثانية ونضع القليل من الحشوة بالمنتصف ، نطوي العجين على النصف ونلفها ، حتى نحصل على شكل الوردة الجميل

نصف مربعات المانتي او الوردات في صينية غير لاصقة وطبعا ندهن الصينية بالقليل من زيت النباتي

نخبز المانتي في فرن محمى على الوسط ونتركها بالداخل حتى يشقر سفلها وجوانبها وسطحها

لتحضير الصلصة

نسخن مرقة اللحمة مع معجون البندورة ومعجون الفلفل ، وعند الغليان ، نطفئ النار ونضيف كمية على صينية المانتي وندخلها على الفرن لحوالي الدقيقتين وباقي المرق ، نضعه في وعاء ، لنضيف منه وقت تقديم المانتي

نقدم المانتي على الفرن وبجانبها باقي المرق واللبن المصفى المثوم ، نضيف السماق والصنوبر والف صحة وهنا