زبيدي مقلي لذيذ مع عيش زعفران

ندهن السمك من داخل البطن ومن برا كاري وملح ولومي وكركم وليمون وتقدرون تثلجونهم بهالطريقه اول ماتشترونهم

نخليهم ناقعين مده ساعه بعدها نغمسهم بالطحين وبمقلاه يكون زيت حار ومن نحط السمك نقصر على النار

شويه زيت بالجدر ونحط البهارات الصحيحه غار وهيل ودارسين وبعدها العيش من يفور على طول نحط الماي ورد والزعفران عشان يفوح معاه ونضبط الملح

تاكلونه مع دقوس اللي مكوناته حبه ماجي وفصين ثوم وشويه زيت نحمسهم وبعدها نحط معجون طماط وشويه ماء وشويه كمون وفلفل اسود

طريقه لذيذه وسهله حيل وراح يحبونها الكبار والصغار وعليكم بالف عافيه