نضرب البيض و السكر و الفانيلا نخلطوهم حتى يولي الخليط أبيض ونزيد كاس الحليب و الزيت

و من بعد نغربل النواشف (كاكاو، فرينة وخميرة) و نضيفهم ونضيف الفرينة بشوي حتى نتحصل على خليط متجانس (خليط الكيك)

ندهن مول بزيت و نديرلو فرينة ونصب فيه الخليط و ندخلو فور يكون مسخن من قبل

كي طيب المسكوتة وحد 25 دقيقة باش نفتح الفرن و نشوف ، بعدها نجبدها من الفرن و نسقيها بشوية تاع حليب ماشي بزاف قيس فنجان صغير و نخليها بجيه تبرد

اذا عندك علبة شوكولاته ذوبيها و زيديلها شوية حليب و زبدة و ادهني بيه المسكوتة من الفوق و زيني بشوية نوادكوكو و اذا ما عندكش ديري صوص الشوكولاتة لي هي :

صوص شوكولاته : فنجان حليب، فنجان كاكاو، فنجان سكر و اضربيهم بالبرا ميكسور و حطي قدامك فنجان زيت و ضيفي بشوي و اكملي اضربي حتى تتحصل على صوص شوكولاته عاقدة ميش شرط تكملي فنجان زيت قادر يديلك اقل من فنجان