تعديل الوصفة
شاهد أخبار وصفتك
شارك
شارك

المكوّنات

  1. كيلولحم غنمي
  2. حبةبطاطا
  3. حبةبصلة كبيرة
  4. 2 حباتطوماطيش ويكونو كبار
  5. حبةكابوية اوقرعة
  6. زوج حبات زرودية (جزر)
  7. غرفية ممعمراش فول يابس
  8. غرفية ممعمراش جلبان يابس
  9. غرفية ممعمراش عدس
  10. غرفية ممعمراش حيمص ويكون مرطب
  11. رشة منالتوابل:
  12. فلفل اكحل
  13. فلفل احمر
  14. سكنجبير (زنجبيل)
  15. كركم
  16. كمون
  17. كراوية وكبابة
  18. توابل الحريرة دي واجدة الا كاين
  19. 2جانبو بڨري
  20. ربعة نتاع فرينة (طحين او دقيق) بياش نعقدو لحريرة
  21. كرافس وكزبرة
  22. ملعقةطومايش مصبرة

الخطوات

  1. 1

    في اول في كوكوط نديرو لحم نتاعنا ونضيفو عليه فول ليابس وحيمص وعدس وجلبان ليابس ونديرولهم الماء ونبلعو عليهم ونخليوهم يطيبو مليح.

  2. 2

    الخضرة كامل المدكور في مكونات نديروها في كاسرونة ونزيدولها الكرافس وكزبرة ونخليو شوية كزبرة للاخير ونتبلوهم ونديروهم يطيبو فوق نار هادئة وتوابل الاخرين كراوية وكبابة وتوابل الحريرة حتى الاخير.

  3. 3

    وكي يطيب (يستوي) لفلكوكوط نحيدو اللحم غنمي ولا كان فيه الشحمة منرميهاش نحوها من اللحم ونردوها للككوط ولحم نفتتوه قطع صغار وونضيفو الفرينة (طحين) للكوكوط ونردوها فوق النار بياش يطيب (يستوي) الفرينة (طحين) ونجيبو الميكسور ونطحنو الكل ونخلوهم على جنب.

  4. 4

    ونطفيو على الكاسرونة ونطحنو الكل بالمكسور مليح ونخلطو الى فلكاسرونة مع الكوكوط وونزيدو نطحنوهم بالرحيونة نتاع زمان يا زمان ونديروهم فكاسرو شوية كبيرة على خطرش الكمية دوق تضاعف معانا ونردوها فوق النار متوسطة

  5. 5

    ونرميو فيها المغرفة نتاع الطوماطيش المصبرة و جانبو وكروية وكبابة وتوابل الحريرة وبمغرفة صغيرة فلفل لحمر وفلفل اكحل وسكنجبير وكمون و كركم والا جاتكم صامطة زيدو جانبو. ونرميو القصبرمقطع ونخليوهم فوق نار هادئة

  6. 6

    وشهية طيبة

تعديل الوصفة
شاهد أخبار وصفتك
شارك

الكوكسناب

هل جرّبت هذه الوصفة؟ أضف صورة طبقك واكتب قصّة تجربتك

رسم كرتون رمادي مرسوم باليد لكاميرا ومقلاة مع نجوم تتصاعد من المقلاة
سأطبخها اليوم
meriem
meriem @cook_18796056
نُشرت في
الجزائر

التعليقات

وصفات مشابهة