كناخدو طنجرة بالكسكاس و نحطو الدجاج ديالنا بعدما نقيناه و غسلناه نضيفو التوابل فوق الدجاج و نزيدو حبة بصل مشلضة و نيزيدو زيت زيتون مع قيليل من زيت النباتية و كزبرة ومعدنوس مربوطين ومحطوطين فالجانب نردو الدجاجة ديالنا تشحر و تدخل معاها التوابل مزيان

ناخدو قصرية و نضيفو فيها الكسكس و نديرو تقيبا ملعقتين من الزيت النباتية ندهنوه مزيان و نضيفو لو لماء حتى يرطاب شوية

من بعد نضيفو الماء للطنجرة فاش يطيب (يستوي) الدجاج و نضيفو ليه الحمص مخلل و نرضو الكسكس يتفور الفورة اللولة

نمشيو نوجدو البصلة معسلة مع الزبيب كنقطعو البصل طريفات كبار شوية و نديروهوم فشي كاصرول وونغطيوهوم حتى يتلقو لما تاعهوم ونشفوهوم طابو و نزيدو عليهم الزبيب و القرفة و الملح و السكر و نخليوهم يتعسلو مزياان

من بعد نحيدو كسكس ملي تفور لفورة اللولة نزيدولو الماء ملح و نردوه يفور فورة تانية و لفورة تالتة كنزيدو غير الزيت و نرضوه يفور باش نقدموه

نقلبو الدجاج بعدما طاب نزوله و ندروه يتحمر فالفران. نخليو مرقا ديالنا تشد فراسهاا مزياان تختار

من بعد نقدموه في قصرية الإضافات لي زدت هوما اللوز والتمر معمر باللوز و البيض ديال السمان بالصحة والراحة