نضع الفرينة (طحين) في قصعة نزيد لها لخميرة والسكر وزوج مغارف زيت ونخلط ومبعد نضيف عليها الما دافي ونلمها منعجنهاش مليح حتان (حتى) نتحصلو على عجينة تكون طرية شوي ونغطيها ونخليها تختمر

بعد ماتخمر لعجينة نحكم زوج مغارف مارغارين ونصف مغرف كبيرة ملح وسينوج ونخلطهم مع بعض ونضيفهم لعجينة بعدما تكون خمرت ونزيد نغطيها ونخليها تختمر مرة أخرى

كي تختمر المرة الثانية نقسمها لأربع قرصات صغار ونخليها ثلاث دقائق ومبعد نقرصها فوق سرفيطة مرشوشة بالفرينة ونخليها حتان (حتى) تطلع ونكون شعلت الكويزينيار من قبل

كي تطلع الكسرة نحطها فوق السلك تاع الكويزينيار ونخليها حتان (حتى) طيب على جهة ونقلبها تزيد طيب على الجهة الأخرى وبالصحة والهنا