كبة مقلية 😍😋
هالمرة جبتلكم طريقة للكبة المقلية لذيذة و اقتصادية بدون لحم بالعجينة و ما بتحتاج لماكينة 👌😉
كبة مقلية 😍😋
هالمرة جبتلكم طريقة للكبة المقلية لذيذة و اقتصادية بدون لحم بالعجينة و ما بتحتاج لماكينة 👌😉
الخطوات
- 1
منقي البرغل و منحطو بمصفاية و منغسله و منخليه يصفي و منتركه على جنب لينفش تقريبا ربع ساعة اكتر شوي على حسب البرغل (اهم نقطة انه ما لاااازم ابدااا ننقعو بماي لان ما بتعود بتصير العجينة مظبوطة).. ما كان عندي برغل ناعم نقيت الخشن و طحنتو بالخلاط لصار ناعم و اخدت كوبين.. فإذا مو متوفر ناعم ممكن تعملو هيك👌
- 2
منسلق حبات البطاطا.. بس استوو منصفيهن و منتركهن شوي ليبردو و منهرسن.. بس نفش البرغل منضيفو فوق البطاطا و منعجنن سوا و منضيف الملح و البهارات و ملعقة طحين و منعجن (اذا حسيتوها نشفت عم تتفتفت ضيفو شوية ماي و اعجنو.. و نفس الشي اذا حسيتوها طرية كتير مايعة ضيفولا رجعو شوي طحين و اعجنو لتصير عجينة متماسكة)
- 3
منجهز الحشو.. منقلي البصل بشوي زيت ليذبل و منضيف عليه اللحمة و منخليهن ليستوو.. بعدين منضيف الملح و الفلفل الاسود و دبس الرمان و منخليهن شوي عالنار و منطفي تحتن (ما لازم نكتر زيت بالحشو لان بصيرو بيفرطو الكبات بس نحشيهن😩)
- 4
منترك الحشوة لتبرد شوي و منبدأ بتشكيل الكبة بالشكل اللي منرغب فيه(ممكن نحتاج نستعين بالتشكيل بخليط الماي و النشا) و منحشيهن و منحطن بصحن عليه كيس حتى ما يلصقو و منحطن بالفريزر ليبردو شوي (شي ربع ساعة) و بعدين منحمي الزيت منيح (لازم الزيت يكون غزير و حامي حتى ما يفرطو) و منطلعهم و منقليهم.. منخليهم اول 5 دقايق على نار قوية منرجع منخفف النار عالوسط ليستوو منيح من جواتن.. اهم شي ما لازم نحركهن ابدا اول ما نحطن.. بعد شي 10 دقايق ممكن نقلبهن.. لما يشقروا منشيلهم منصفيهم و منقدمهم بالطريقة اللي نحبها.
- 5
ممكن تعملو جنبن شوربة عدس كثير طيبة معهم👌.. و ألفف صحة و هناااا💖💖
وصفات مشابهة
-
-
-
-
كبّة مقلية 😍 كبّة مقلية 😍
الكبّة المقلية بغلاف فيليه الدجاج و بحشوة اللحم المفروم اقتصادية و حل بديل للكبّة التقليدية بغلاف اللحمة الهبرة ..طعمها لذيذ جدا و لا تفرق بالطعم عن كبة اللحم😍
-
-
😋 كبة مقلية 😋 😋 كبة مقلية 😋
#طلبات_عائلتي مافي اطيب من الكبة المقلية 😋😋😋وهي من اكلاتنا المشهورة وزوجي بيطلبا كتير بس ببدها تعب بساويها كل فترة طويلة 😂😂😂
-
كبة مقلية مقرمشة 😍 كبة مقلية مقرمشة 😍
#اطباق_رمضانطيبة كتير ومقرمشة 👌🏼 ومابتحتاج لماكينة ولا حتى هبرة وسهل تشكيلها 🥰https://instagram.com/roba_daoud?igshid=1izbcecin4keh
وصفات ننصحك بمشاهدتها
التعليقات (13)