إفتح في تطبيق كوكبادالخطوات
- 1
في المرحلة الأولى نضع في إناء كأسين من دقيق فورص وكأس من دقيق الفينو والخميرة والملح والسكر والحليب وثلاث كؤوس ماء دافئ نخلطو الكل بالخلاط اليدوي ونغطيو العجينة السائلة ونخليوها تختمر 10 دقائق
- 2
من بعد ما تختمر نزيدو ليها كأسين دقيق فورص وكأس دقيق الفينو والزيت وندلكوها شوية ونجمعوها مزيان ونغطيوها ونخلوها تختمر 10 دقائق أخرى وفهاد الاثناء نكونو وجدنا الحشوة هي كتبقى اختيارية انا شحرت البصل مع الزيت والملح وضفت الفلفل مقطع وضفت التوابل كلها وقليل من الزعتر محكوك وقليل من بودرة الثوم وضفت كفتة ممكن ديرو كفتة ديال البقر او الدجاج او الديك الرومي حسب المتوفر وشحرت كلشي مزيااان وزدت معدنوس مقطع رقيق وطفيت النار وضفت الجبن مبشور وخليتها تبرد نمر الآن للطريقة
- 3
كنقسمو العجينة بعد ما اختمرت الى كرات صغيرة ونبداو نطلقو كل كرة بالمدلك العجين كيكون خفيف وكيتطلق معانا بكل سهولة مع رش الدقيق طبعا وناخدو كمية من الحشوة نحطوها بشكل أفقي ونجمعو العجين بالاصابع مع الضغط باش ميتفتحش ومتخرجش الحشوة نبقاو مستمرين حتى نكملو العجين كامل
- 4
نحطوه فصفيحة فرن مفروشة بورق الطبخ انا مبقاش عندي هههه رشيت قليل من الدقيق مكيلتصقوش نهائيا وناخدو بيضة كاملة نمزجوها وندهنوهم ونرشو عليهم زنجلان او حبيبات البافو ونجرحوهم بشفرة جديدة وندخلوهم مباشرة للفرن يعني بدون اختمار لان المراحل اللي درنا للعجين كافية غير متخلوهمش يطيبو بزااف من لفوق وفالاسفل راقبوهم حتى يتحمرو راهم كيجيو روعة رطبين بزاااف وهشاشين.
- 5
كيف كتشوفو يجيو خاويين من الوسط ومحمرين ولذاذين ينفعو حتى للوليدات للمدرسة أو في الخرجات
من تفاعل بإيموجي
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفة من
التعليقات