الخطوات
- 1
نطرب البيض والسكر حتى كيضاعف الحجم ويتغير لون الخليط من بعد كنزيد دقيق الابيض مغربل مع خمارة والفاني بودر غلفت المول بورق الطبخ ودخلتها الفرن
- 2
فاش خرجتها قسمتها من النصف حيت مابغيتهاش غليضة وسقيتها بالحليب والكل موضح في الصورة الا ماخرجاتش ليكم منفوخة خليوها هكاك
- 3
بالنسبة لطبقة الموس: خديت 500غ فريز طحنتو مزياان بوحدو بلا ماء بلا والو ودرتو في كاسرول طلعات الغلية وطفيت ضفت ليه 5اوراق الجيلاتين مرطبين من قبل في الماء عصرتهم وخلطت الكل مزيان حتى دابو خليتو على جنب وطربت الكريمة انا استعملتها حلوة وضفتها لافريز مع التحريك بشوية وضفت نستله العادي تقريبا 4 ملاعق الحلاوة حسب الذوق ممكن استعمال السكر الصقيل بدل الحليب المركز وخلطت وفرغتها فوق الجينواز ودخلتها الثلاجة حتى شدات فراسها مزيااان عاد صوبت الطبقة الاخيرة
- 4
الطبقة الاخيرة فيها رابعة الفريز مطحون بلا ماء بلا والو فرغتو في كاسرول وضفت ليه 2اوراق الجيلاتين مرطبين من قبل في الماء عصرتهم وضفتهم وخلطت والحلاوة كتبقى حسب الذوق انا درت 3معالق كبار ديال نستله ممكن استعمال السكر بدل الحليب المركز المحلى والبصحة والراحة
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات