الخطوات
- 1
غسلي الجريش والرز المصري مع بعض زين لحد ماينظف نقعيه بمويه مغليه وخليه على جنب مدة ساعه بنزل لكم الكوب المعياري
- 2
بقدر حطي شوي زيت وملعقتين سمن واحمسي فيهم البصله المفرومه وحطي ملعقة الكمون ومكعب الماجي
- 3
بس تذوب حبة الماجي صفي الجريش وحطيه على البصل وقلبيه وحطي مويه مغليه تغطي الجريش وخليه يطبخ لحد ماتتشرب المويه بعدها صبي اللبن كله وحطي ملعقة الماجي الابيض والملح وحركيه وخليه بس يطبخ اللبن حركيه وغطيه وخليه يطبخ على نار هاديه مره نص ساعه
- 4
بعد نص ساعه حركيه وزيديه مويه تقريباً كاسين كبار وحركيه وغطي القدر بقصدير والغطاء فوقه وقصري على النار مره وخليه وكل ساعه ناظريه وحركيه واذا يحتاج مويه زيدي عادي خليه يذوب واذا يحتاج ملح حطي حسب رغبتك انا صراحه اخليه على النار واقصر عليه مررره يطبخ ٤ ساعات وزياده يصير ذايب يهبل كل ماطول بالطبخ يصير احلى ذايب موب حب اخر شيء احط فلفل احمر ٤ حبات وملعقة كبيره سمن بدون ماحركه
- 5
واقصدره واغطيه لحد ماننكب العشا اشيل الفلفل على جنب واحركه واحطه بحافظه واحط الفلفل وارشه سمن شوي وبالعافيه
- 6
الكشنه مافيه اسهل منها : بقدر شوي زيت وربع اصبع زبده والبصل المقطع وحبة الماجي وملعقة الكمون والومي المطحون والمعجون والفلفل واشغل النار واحرك لحد مايذوب البصل وارفعه عن النار وعند التقديم احطه بصحن على جنب
وصفات مشابهة
وصفات ننصحك بمشاهدتها
التعليقات