اول شي نشيل عض الباذنجان ومنترك الراس

منصف الباذنجان بطنجرة كبيرة ومنحط على الوجه شقفة بيضة ومنغمرن ماء ضروري الماء تكون اكتر من الباذنجان لحتى الكل يستوي

اكيد منحط عليهن تقل ومنحطن على نار عالية لمدة ساعة او لحتى تشوفو انو لبيتنجان استوا وصار الراس ينشال بسهولة

الافضل ما نخلي الباذنجان يستوي تماما على الاخر مشان ما يصير طري كتير بالزيت

بعد ما نشيلن من على النار منحطن على طول بماء باردة

بس يبرد منشيل الراس ومنحط لكل حبة باذنجان قدر ملعقة شاي ملح ومنصفن بمصفاية ومنحط عليهن تقل لحتى تروح منن الماء

ضروري نقلبن على الاقل مرتين بليوم مشان نتاكد ان كل الباذنجان عم ينكبس وما يعفن

بس ينشف منكون نحنا منشفين الفليفلة الحمرة كم يوم منطحنا ومنحط معا الثوم المدقوق ناعم والجوز مع رشة ملح صغيرة وشوي زيت

منحشيهن ومنصفن بالمرطبان ومنلاحظ بسفل المرطبان بتتجمع ماء من الفليفلة لازم نقلب المرطبان يصير الفتحة لتحت مشان تنزل منو كل الماء وينشف

بس نتاكد انو الماء نشفت تماما من المكدوس منغمر المكدوس بالزيت فيكن تحطو زيت زيتون او زيت نباتي او تخلطو التنين سوا

وبعدين منخلي كم ساعة مشان المكدوس يتشرب الزيت واذا نقص منضيف عليهن زيت

ومنسكرن ومنحفظن لأي فترة بدكن ياها والف صحة وهنا