لوبيا بالمرقاز ولا أروع 😋 حارة وبنينة

نحط في قدر ماء يغلي.عند الغليان نحط اللوبيا لي نكون غسلتها من قبل.دون إضافة أي مكون على نار قليلة.

نعسها إذا نشفت نزيدلها الماء بالشوية يعني نكون حاطة كاسرونة فيها الماء يغلي.وإذا توفر قدر الضغط أحسن أنا ماعنديش.

بعد مايدخلها الطياب نحطلها ثوم مرحي والزيت.ونا ليلة من قبل كنت قليت المرقاز وبقاتلي الشحمة تاعو في المقلاة هي لي داويت بيها البرمة ونقصت حبات نجرب بيهم هدا الطبق لي خرج عسل.

نضيف شوية ملح كمون حسب الذوق وفي الاخير نقلي حبات المرقاز كلمسة أخيرة ونزين حسب الرغبة أنا استمعلت المعدنوس (بقدونس).وحطيت زيت الزيتون باه تزيد بنة على بنة.

سلام الله عليكم.