نسكرفج البصل والطماطم نضيف عليهم البهارات والدجاج والطماطم المصبرة نكون حليتها في شوية ماء و نقص البطاطا على 2 والخردل على 2 ونحط النصوب نتاعنا يتقلى

من جهة اخرى نكون حطيت الشخشوخة نتاعي في كروانة نديرلها شوية ملح والزيت ونحطها تفور المرة الاولى على النصوب كي تفور نحط عليها زبدة نجيب طماطم مصبرة نحلها في الماء لي راح نسقي بيه الشخشوخة نسقيها بالماء والطاطم ونخليها تشرب

نمرق النصوب كي تشرب الشخشوخة نعاود نحطها تفور للمرة الثانية كي تفور نجيب طنجرة ونحط الشخشوخة نخليها تبرد هنا انا نكون نصفي في المرق نتاعنا كي نصفيه نبدأ نطيب الشخشوخة على نار هادئة ونضيفلها شوية زبدة نلوحلها المرق بتدريج ونذوق كي طيب نطفي عليها او نغطيها باه تشرب عرقها

هنا نجيب مقلاة ونحط فيها الزبدة وقليل من الزيت او نحمر اللحم والبطاطا نتاعنا وشهية طيبة