بسم الله و الصلاة على أشرف الأنبياء و المرسلين عليه الصلاة والسلام 💓 نوزن السكر و نحطو مع البيض و نخلط بل باتور لمدة ربع ساعة تماما

نخلط حتى يتضاعف و يصبح لونه أبيض و نضيف له فانيليا و م ص للفير و الفرينة و نبدا ندخل فل فرينة بتدريج و نحرك من تحت لفوق بستاتول

و نحطها فسينية الفرن تكون مدهونة بزيت و مرشوشة بل فرينة و نحط لها ورق الطهي من تحت ضروري باش ما تلسقش لأنو ما فيهاش الزيت و نحطها فل فرن يكون سخون من قبل الحرارة متوسطة كي تتنفخ نقص الفرن باش طيب الداخل كي ندخل عود الشوا أو سكين يخرج ناشف يعني طابت نطفي للفرن و نخليها الداخل و الفرن مفتوح 5 دقائق باش ما تحبطليش

نقطعها على قطعتين أو على 3 قطع كيما أنا و نشربها بسيرو مليح خاطرش تشرب و ندير لها كريمة الشونتيي و الموز مقطع دوائر كما في الصورة أنا هنا بدا يكحالي و نكمل طبقة فوق طبقة بنفس المراحل

و اخيرا لبستها كامل بل كريمة الشونتيي و خليتها ليلة كاملة أو من صباح للمساء ترتاح 6 سعات و نزينها و الله كأنها تاع لمحلات و بصحة و راحة للجميع

السيرة : نص كاس سكر و كأس ماء في كسرونة يغليو حتى يدوب السكر نطفي