نبداو بالعجينة: نخلطو سميد مع فرينة وملح ونلمو بالماء الدافئ نبلو مليح ونغطيه ونخليه بش يشرب الماء تاعو ويجينا سهل للدلك

نروحو للحشو.نقطع بصل وفلفل مكعبات صغيرة نحطوهم يتقلاو نزيدو ثوم مبروش وطماطم حب ومصبرة وتوابل وشحمة ومغرف زيت ونخلوهم يتقلاو ونزيدو دبشة مقطعة كي طيب نطفو عليها

نرجعو للعجين بعدما طيبنا حشو وعجين تاعنا ولا سهل للدلك نعجنوه ملييييح حتان يولي يترتق هنا نشكلو كريات صغار ونخلوهم يريحو عل الاقل ساعة بش يمشي العجين مليح

نحلو كرية مع استخدام الزيت نحلوها مليييح ونجبدو حت نشكلو دائرة كبيرة ورقيقة نطبقوها من جيهة ونزيدو من جيهة تولي عل شكل مستطيل طويل نحطو حشو(ولي يحب حرور يزيد هريسة) في النصف ونزيدو نطبقوها عل جانبين تعود عل شكل مربع نطيبوها وشهية طيبة