نغسل الفرخه كويس ونسلقها بالطريقة المعتادة (مع وضع عصير ليمون في الشوربة اثناء السلق او عصير برتقالة عشان الزفارة)

نقطع الفرخه القطع ال احنا عاوزنها ونقطعها بالسكنية من فوق كدا بحيث نقطع الجلد ونفتح اللحم

نضرب البصلة مع الطماطم في الخلاط وبعدين نحط عليها كل التوابل بتاعتنا وممكن نحط نص مكعب مرقة دجاج ونحط ١/٢ ملعقة خل ونعصر نص ليمون ونحط شوية سكر صغيرين ونقلب التتبيلة في بعضها

نجيب الفراخ ونحط عليها التتبيله ونحاول ندخل التتبيلة جوه اللحم وبعدين نحطها في الفرن تحت الشوايه ومش هتاخد وقت لانها يذوب هتحمر من فوق

بعد مانطلع الفراخ م الفرن نكون مولعين حتة فحم على البوتجاز وبعدين نحطها في طبق فيه شويه زيت ونحطها في صينية الفراخ ونغطي عليها هتدى الفراخ طعم كأنها مشوية على الفحم وبس كدا

ايه رأيكم ؟