اول الشي نبدا نجهز الحشوة مشان تبرد أثناء عجن عجينة الكبة نذبل البصل المفروم ناعم وبضيف اللحمة وملح وبهار فلفل واقلبهم مع بعض لحتى تنشف مي الحشوة تكون استوت وصارت جاهزة بحطها تبرد

بجيب البرغل المنقوع واصفيه من المي منيح واضيف عليه البصل والبطاطا مسلوقة لانه ماعندي هبرة ونص كوب نشا والبهارات والملح واخلطهم منيح

بعجنهم مرتين أو ثلاث بماكينة الكبة وبضيف مي على حسب الحاجة لحتى اتاكد أنها صارت متماسكة وبجرب أشكل وحدة ازا مافرطت معناها زبطت وصارت جاهزة للتشكيل

بشكل قراص الكبة وبحشيهم وبعدها باخدهم ع القلي ع نار عالية والزيت يكون حامي وبسقط قراص الكبة وببلش اقلي على وجبات ولما تتحمر بشيلها من الزيت وبقدمها مع سلطات ولبن وبطاطا مقليه والف صحة وعافية