اولا : نحكم لفلفل نشويه على نار ونقشرو ونخليه بجيه نزيد بدنجان نشويه على نار ونقشرو ونقطعو كريات صغار ونحيلو زريعة ديالو

في مقلاة نحط لبصل مقطع مع مغرف زبدة + 3مغارف زيت + ملح + توابل + ثوم يتقلاو شوية نزيدو لهم بادنجان لمقطع نزيدو و طوماطيش مقطعة صغير حسب كمية لي درتي تاع لبادنجان يكون كثر من طماطم كي يتقلاو مليح ونطفي عليهم نزيد لهم 1فرماج شاف

في قدرة صغيرة نوجدو صوص تاع طماطم نرحو 3 حبات طوماطيش متوسطين الحجم طوماطيش نحطوها في قدرة نزدلها مغرف زيت زيتون وزوج معارف زيت نباتي ملح زعيترة فلفل اسود ونصف كأس ماء ونخليها طيب شوية غير نشوفها بدات تنشف نطفو عليها

نحكمو لفلفل لي شريناه ونقيناه نملحوه شوية من لداخل ومن برا ونحشوه بهذيك لحشوة تاع بادنجان نحكمو المول تاعنا لي راح نحطو فيه شوية زبدة نحطو لفلفل نزيدو من لفوق صوص طوماط صوص طوماط هديك منحطهاش كامل نخلو منها شوية باش نقدمو معها وندخلوه لفور.

غير ياخد تحميرة خفيفة نخرجوه لانو كل شي طايب ونقدموه مع صوص طوماط لي كنا خليناها و مع بطاطا مقلية وبصحة 😋🤗 بزاف بنين متندموش عليه 😉👌