اول حاجه هنعمل الجيلي عادى زى مبنعمله وندخله الفريزر يبرد بس بحيث يمسك نفسه شويه بس منخليهوش يجمد اوى

هنحضر الطبقه البيضه في الخلاط.. هنضرب اللبن مع معلقتين كبار كريم شانتيه اللبن يكون ساقع.. ونحط ٤ قطع جبنه كيرى وكريمه الخفق. هنجيب كوبايه مايه سخنه صغيره وندوب فيها معلفتين كبار جيلاتين لحد ميدوب نحطه ع اللبن وهنحطها ف التلاجه شويه

هنجيب البسكوت ونفرمه في الكبه وبعدين نحطه في صنيه التشيز كيك وسيح الزبده و نحطها عليها لحد ميبقي زى الرمل كده ونفرده ف الصينيه ونفضل نضغط عليه جامد لحد ميمسك في بعضه

اخر حاجه هنطلع الكريمه من التلاجه نحطها ع البسكوت ونفردها ونطلع الجيلي عليهم براحه..لو عاوزين اى حاجه غير الجيلي تمام ممكن زبده لوتس..نوتيلا..