نحط الماء الدافئ والخميرة والسكر ونخليهم خمس دقائق حتى يتفاعلو ثم نضيف الزيت وبياض بيضة والملح ونلم بالفرينة حتى نتحصل على عجينة طرية ندلكها قليلا ثم نخليها تخمر حتى يتضاعف حجمها

نحضر الحشو نقطع البصل مربعات ونحطو في مقلاة مع القليل من الماء ونخليه حتى يذبل ثم نحط الزيت ونحط الجزر والجريوات المرحيين ونبقى نخلط حتى يذبل الكل ونحط الطماطم مرحيين ونحط الملح والفلفل الاسود والهريسة ونخلي الكل يطيب

نقسم العجينة الى قسمين ثم نطرح العجينة بالاستعانة بالفرينة ونحطها في بلاط ونحط الحشو يكون بارد ونحط البيض المغلي والمرحي ونحط الجبن المبشور والمايوناز ونغطي بطبقة اخرى من العجين ونضغط على الجوانب ثم نزين حسب الرغبة وندهن الوجه بصفار البيض ونثقبها بعود الاسنان ونحطها تطيب في الفرن

نحمرها وتقدم بالصحة والهنا