الخطوات
- 1
نحضرو أولا العجين: نضع في إناء الماء ، السكر، الزيت، الخميرة، ماء الزهر ونخلطو جيداً بالفوي حتى يمتزج الخليط
- 2
نضيف الفرينة تدريجيا والملح وخميرة الحلوى حتان (حتى) نتحصل على عجينة متماسكة وتتلاصق في اليدين نعجنها حوالي 5 دقائق ونغطيها ونخليها تختمر لمدة ½ ساعة
- 3
بعد ما تختمر نبسطوها في المول لي دهناه بالزيت او حطينا فيه ورق الطهي ونخليها تختمر مرة اخرى حوالي 20 دقيقة
- 4
كي تختمر ندهنوها بصفار البيض ممزوج بقليل من الحليب ونرشو فوقها شوي سكر وندخلوها اطيب كي اطيب من تحت نشعلولها تتحمر من فوق
- 5
نحضرو الكريمة : نضع في كسرونة الحليب ، السكر، النشاء، فانيلا، والملون الاحمر وقرصة ملح ونخلطو جيداً ونحطوها فوق نار هادئة ونبقاو نحركو حتى تخثار الكريمة
- 6
بعد ما تخثار انحيوها على النار ونضيفو الزبدة باه تعطيها لمعان ونغطيوها ونخليوها على جنب تبرد
- 7
بعد ما طيب العجين تاعنا نخليوها حتان (حتى) تبرد ونقسموها الى قسمين ونحطو الكريمة تاعنا كامل ونعاودو نغلقوها ونرشو من فوق القليل من سكر ڨلاصي ونقسموها الى قطع وشهية طيبة
- 8
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات (2)