سلق المكرونة: في حلة على النار هنحط كمية من الماء مع شوية زيت وملح ونسيبهم لحد ما الماء تغلي وبعدين ننزل المكرونة ونقلبها كل شوية لحد ما تستوي ومتغطيش عليها أبدا

لما المكرونة تستوي ناخدها تحت الحوض ونصفيها بماء باردة لحد ما تبرد وتفك تماما ومتبقاش ماسكة في بعضها علشان ما تتعجنش ونصفيها كويس من الماء

في طاسة نحط شوية زيت يسخن وبعدين ننزل البصل والثوم ونقلبهم لحد ما ياخدوا لون وبعدين ننزل عصير الطماطم ونحط ملح وتوابل ونقلب لحد ما تتسبك أو حسب الرغبة

نحط المكرونة في الحلة ونولع النار هادية جداً ونفضي عليها الخلطة اللي عملناها ونقلبها فيها كلها لحد ما اللون يبقى واحد بعد كدة نغطيها على نار هادية جداً ونقلبها كل شوية لمدة ١٠ دقائق

لو حابين نحط صلصة مع الخلطة علشان تغمق اللون أكتر مفيش مشكلة

تقدم ساخنة مع فراخ محمرة أو كفتة مقلية أو بطاطس وبيض مسلوق أو حسب الرغبة

لو مفيش بصل مبشور ولا ثوم مفروم ولا عصير طماطم ممكن نقطع البصل والثوم والطماطم قطع صغيرة جداً ونخليه على نار هادية فترة أطول وهيعطينا نفس النتيجة