اولا في اناء نضع كيلات السميد و الزيت و الملح و نبدأ نبسس ثم نضيف الماء الدافئ و نلم العجين غير بالشوي حتى نحصل على عجينة متكونش ملساء و تكون فيها شقوق نردها في صينية الفرن ثم نقطعها و ندخلها لفرن مسخن مسبقا لمدة 45 د حتى لساعة

بعد أن تنضج نقوم برحيها و هي ساخنة وثم نغربلها حتى نتخلص من القطع الخشنة و نعيد نفس العملية

بعد ما نكمل نرحي كامل الكمية اللي عندي نديرها في كسكاس و نحطها تفور تقريبا 8الى 10 دقائق ثم نفرغها في اناء واسع و نرشها او نبخها بالحليب ثم نرجعها تفور لنفس المدة و نعاود نفرغها مرة أخرى و نرشها بماء الزهر و في هذه المرحلة نضيفلها الكاكاو او الجوز المرحي خشن و نعاود نفورها للمرة الاخيرة

وفي النهاية يوضع في طبق التقديم و يزين حسب الرغبة