نغسل الكبد والقوانص كويس وننضف القوانص من الدهون اللي فيها ونقطعها قطع صغيرة

نفرم ٣ فصوص توم مع فلفل حراق ونضيف ملح وكمون وكسبرة والفلفل الاسود ودبس الرمان ونتبل بيهم الكبد والقوانص ساعة مثلا

نقطع البصلة قطع صغيرة ونحطها عالنار مع معلقة سمنة بلدي وشوية زيت وتدبل شوية ونضيف ٤ او ٥ فصوص توم مفرومين ويدبلو ونضيف عليهم الكبد والقوانص ونسيبها دقيقة منقلبهاش

نقلبها براحة واما تاخد لون غامق ولون الدم يروح نضيف الفلفل الرومي والحراق ونقلب ونحط ربع كوب ماء مغلي ونظبط الملح لو محتاجة ونوطي ونغطي عليها ١٠ دقايق تستوي

خطوة إختيارية : ممكن نسخن فحمة ونطفيها في حبة زيت ونحطها في الكبدة ونغطي عليهم وبالهنا ❤️