ننخل الدقيق ونضيف له رشة الملح والبيكنج باودر

ملحوظه النشا مش محدده مقداره لانه يتحدد حسب الرغبة يعني عايزه الكيكه هشه لاي درجه بتستبدلي جزء من الدقيق بالنشا يعني شيلي من ٢ كوب دقيق ملعقتين دقيق وحطي مكانهم ملعقتين نشا او نشيل من كوبين الدقيق ربع كوب ونضيف مكانه ربع كوب نشا النشا بيخليها اخف وهشه اكتر

في الخلاط هنضيف السكر والبيض والفانيليا والزيت واللبن ممكن نضيف بشر برتقال بس مش كتير ونشغل الخلاط لحد ما السكر يذوب والمزيج يبقى لونه فاتح ويرتفع شويه ممكن تضيفي خل او ليمون عشان يحافظ على ارتفاع الكيكه

نصب المزيج من الخلاط ونقلب في الدقيق شويه بشويه والافضل اننا ننخل الدقيق واحنا بنضيفه تاني دا بيخلي الكيكه تنفش احسن واخف لحد ما نضيف المكونات الجافه كلها نقلب الكيكه في اتجاه واحد وتقلب كويس واحنا بنقلب نعمل خط في النص عشان ندخل فيها الهوا

نولع الفرن على ١٨٠ من تحت بس ونسيبه يسخن ونبطن الصينية ندهنها زيت ونحط دقيق ونخبط على الصينية عشان تأكد ان الدقيق اتوزع على الزيت كله وننزل الدقيق الزياده ونصب فيها خليط الكيكه وندخله الفرن

لو عايزا تعملي فيها شكل بالشوكولاتة زي الصوره سيبي شويه من خليط الكيك وزودي عليه ملعقة كبيره كاكاو منخول وامزجيها كويس وصبيها على خليط الكيكه في الصينية قبل ما تدخل الفرن وبخله سنان اعملي فيها خطوط واشكال