اول شي مننقع الرز بعدين منحفر البيتنجان ومنغسلو ومنتركو ع جنب

منجيب الرز بعد ماصفينا من المي منحط فوقو اللحمة الناعمة رشة بهارات (انا بستعمل بس خلطة السيع بهارات) ملح وزيت نباتي ومنخلطون

لنتاكد ان الزيت تمام بعد مانخلطون منشوف ايدنا اذا كلها زيت تمام اذا ناشفة لسه بدو زيت

منعبي البيتنجات ومنخلي ناقص عقدة اصبع من كل بيتنجانة مشان ماتنفزر منحطهم بالطنجرة

مندوب مية البندورة بكباية مي ومنحطها فوقون ومنحط غمرتون مي ومنملحون مع عصرة حامض وعنار عالية وبس يغلو شي عشر دقايق منضعف اقل من الوسط بشوي لمدة ٣/٤ الساعة (احيانا الخضرة بتختلف من بلد ل بلد ف شيكو عليون بعد نص ساعة)

يسكب ويقدم جمب المي تبعيتو وفليفلة خضرة وصحتين وهنا يارب😋😋 ان شالله يعجبكم 🌺🌺