يالنجي ورق عنب
الخطوات
- 1
نقطع البندورة والبصلة والبقدونس ونضيف التوم المدقوق والزيت الملح و صوص الطماطم السماق والنعنع والسماق والرز المنقوع بالمي والمصفا بنخلطهم جيدا
- 2
اللف نجهز ورق العنب بنلفهم بطريقة لف اليبرق المرقة المتبقية من الحشوة بنضيف عليها مي تقريبا اربع كاسات وبنضيفها لطنجرة الطبخ بعد ما نكون قشرنا البطاطا وقطعناها لدوائر وصفيناهم بسفل الطنجرة وفوقها اليالنجي على شكل شعاع الشمس
- 3
الطهي نضع صحن على سطح الطنجرة ونضع حجر أو شي ثقيل نشغل النار وبعد ما تغلي المي نخفض النار لنار هادية جدا ونحاول نغطي الطنجرة اذا الحجر مسطح مدة الطبخ بتتراوح عحسب نوع الورق ونوع طنجرة الطبخ في ورق ملعب أو بالقناني أو مرطبانات مشروش بيحتاج من ساعتين ونصف لخمس ساعات أو اكتر عحسب الكمية ممكن اذا طنجرة بخار تقريبا يحتاج تلت ساعة أو نصف واذا كان ورق فرش بيحتاج ساعة من بعد الغليان
- 4
بعد ماينضج نزيل الغطا ونضع ملعقة ملح وملعقة حمض ليمون عحسب الرغبة نتركهن 5دقايق بعدها نزيل الحجر ونصفي المرقة جيدا بوعاء ثم نزيل الصحن ونضع صحن كبير أو صينية عالطنجرة ونقلبها ونتأكد من السلامة لمنع الحروق أو الحوادث
- 5
صحتين وعوافي بتمنى تجربو طريقتي ووصفتي وتعجبكن وشكرا
وصفات مشابهة
وصفات ننصحك بمشاهدتها
التعليقات