أول شي منحضر الحشوة

نضع اللحمة على النار مع رشة ملح وفلفل ونقلبها حتى تنضج وتنشف المي عنها ومنتركها تبرد شوي

نغسل الكوسا ونفرغ قلبه بس منحاول نخلي حوافو سميكة شوي يعني أسمك من المحشي العادي

منحشي الكوسا باللحمة ومنرصا منيح حتى ماتطلع من الكوسا ع القلي

منحمي الزيت لازم يكون غزير ومنقلي الكوسا لحتى يبدأ يتغير لونو مامنخلي يصير غامق ومنشيل الكوسا منحطو بطنجرة يلي بدنا نطبخو فيا

منحط مي ع الكوسا بالطنجرة بمقدار ينغمر الكوسا بس ومنشغل النار ومنضيف التوم المهروس ورشة نعنع يابس وشوية ملح ومنخلي الكوسا يغلي مع المي مدة ربع ساعة

منحضر الخلطة اللبن والطحينة ودبس الرمان ورشة ملح ليمون ومنشيل شوي من المي عن الكوسا ومنخلطن مع اللبن والطحينة بعدين منضيفن فوق الكوسا ومنخليهن يغلو شوي من خمس لعشر دقايق ومنطفي النار وبكون صار شيخ المحشي جاهز