بصي يا ست البنات, بنجيب الحلة بتاعتنا نحط فيها معلقتين زيت صغيرين وحتة سمنة فلاحي (حسب الرغبة).

بعد ما بتسخن الحلة والزيت, ننزل عليها بالبصلة متقطعة ناعم. اول ما تتدبل البصلة, بننزل عليها بنص كمية الثوم المفروم
ورشة كزبرة ونستنى لحد ما يلونوا.

وبعدين ننزل عليهم باللحمة المكعبات, لحد ما تاخد لون. وكل دا على نار عالية أو متوسطة. وبعدين ننزل عليهم بالطماطم المتصفية واحط ملح وفلفل اسود وتوطي النار.

اول ما تطيب وبقت تمام, بنضيف البامية وبقيت دقة الثوم النية. ولو حابة, ممكن نص قرن فلفل حامي لو بتحبيها مشطشطة. ودوقيها لو محتاجة ملح بسيط كمان. وبالهنا والشفا يارب.

نسيب الصلصة تسبك كويس وبعدين نشوف اللحمة طابت أو لا. لو طابت, هنضيف البامية ولو لأ هتزودي نص كوباية ماية وتوطي النار لحد ما تطيب براحتها.